Oppdatering:

Båten "Jostedalsrypa" går no i skytteltrafikk mellom parkeringsplassen og Nigardsbreen.

Breturane er i full gang, med guida turar på Nigardsbreen slik: http://www.jostedal.com/hikes.htm

Jostedalen og Jostedalsbreen er av dei mest verdsette turistmåla i landet vårt. Den mest kjende brearmen i Jostedalen er Nigardsbreen.
Det er hit Brevegen AS ynskjer deg velkomen. Brevegen AS er ei reiselivsverksemd i Jostedalen i Sogn.
Mellom Breheimsenteret og Nigardsbreen driv me ein bomveg, over 3 km lang, og båtskyss på Brevatnet med M/S Jostedalsrypa.
Vegen går gjennom eit svært interessant morenelandskap, der isen låg fleire hundre meter tjukk på 17- og 1800-talet. Alt dette og meir til kan du lære om i Breheimsenteret.
Båten, som ber namnet åt ei særs kjend jente frå Jostedalen, tek 24 passasjerar, og sesongen varer frå omtrent 10. juni til 1. september.
Ved å køyre bomvegen og følgje båten over, kjem du heilt inn til den imponerande fronten av Nigardsbreen, og du kan vere med Jostedalen Breførarlag på bretur.
På desse sidene vil du kanske finne ut at Jostedalen er verd ei vitjing.
Du er alltid hjarteleg velkommen !
Treng du meir informasjon, er det bere å sende ein E-post eller ringe turistinformasjonen på 57683250.

Informasjon Jostedalen